那一坨狗屎，是我重生的起點

你有冇試過——明明知道自己好頹廢，但係冇力氣做任何改變？

我有。

而我嘅覺醒，係由一坨狗屎開始。

01. 路上嘅黑色幽默

朝早六點，天未光。我當時工作需要輪早班，我急急腳行去地鐵站，當時路面都好灰暗，身體有一種清晨瞓唔夠嘅空洞感。

然後——「啪嘰。」

鞋底傳來一種溫熱、黏稠嘅觸感。我低頭，感到有啲錯愕。

那一刻，我腦海諗嘅竟然唔係「好黑仔」，而係：「頂，連狗屎都踩中，真係有狗屎運」。

回到公司，我扎進洗手間，用洗手液一次又一次清洗鞋底，無法完全清理乾淨，一股特別的臭味，刺痛著我敏感的神經。

卻又無能為力......

然而，呢種無力感只係我當時頹廢生活中的一個小寫照。

02. 行尸走肉

那時候嘅我，活著猶如一個沒有靈魂的行尸走肉。

地鐵站每日都係喪屍電影嘅片頭——人群面無表情，腳步機械。你係其中一個，我更加係。唔係為咗生活而返工，只係為咗生存而搬運自己。

我心入面好清楚，自己好似遲早玩完。但又冇力反抗，甚至懶得諗反抗嘅意義。

放工返屋企，將自己掟入網絡世界，切斷與真實世界的鏈接。

螢幕係我唯一嘅慰藉。

我用網絡、打機、漫畫嚟麻醉自己。最鍾意那些「廢材流」主角——廢到貼地，仍然有女神鍾意，仍然可以逆轉人生。他們係我嘅精神鴉片。

透過他們嘅眼睛，短暫逃離那個一事無成嘅自己。然後日復一日，無限 loop。

我活成一團渾沌嘅人。

03. 你認得相入面那個人嗎？

崩潰嚟得好突然。

那天我去影證件相。本身只是一件好平常嘅事。但當成品遞到我手——我愣了。

相入面那個人，係我？一個唔識得嘅肥仔。眼神渾濁，雙下巴，嘴角仲掛住一種連我自己都未察覺嘅麻木苦笑。

我對手震了，一種巨大嘅羞恥感籠罩過來。

然而，我仲係習慣性地逃避，裝啲相收埋，盡量唔去睇佢地。

冇錯，呢個係我最強嘅技能。一直活在逃避中，逃避可麻痺自己，減輕痛苦。

然而，後果可能係要面對更大的痛苦，我感覺到今次可能逃避不了。

果刻，我本能地想做啲嘢去改變自己。

或許係宇宙收到我求救信號，一天我在街上等朋友時，被一個推銷員強拉進了健身室。

04. 開始面對自己

我本能是抗拒的，也明顯感到可能中伏的感覺，可是又仿佛看到了自己改變的曙光。

於是決定試一試，或許我麻木嘅人生需要呢個刺激。

第一次體測，我心存僥倖：我平時都經常散步，應該唔差。

然後幾組跑步同深蹲，我嘅身體就開始猛烈抗議——大腿直接抽筋，冷汗直標，我成個人攤喺地板，連呼吸都帶血腥味。

那種無力感，精準咁映照了我嘅精神狀態：脆弱、難堪、羞愧。

但我冇走，因為今次係面對自己嘅一個機會。

我有機會去睇睇自己嘅潛力。

係漫畫睇咗好多廢材主角翻身，也無數次幻想自己會一樣。點解唔自己試一次。

過程是很痛苦的，只是熬過去了，就沒有我想象地那麼恐怖。

最終我沒有像很多廢材主角一樣，成為人生贏家，只是減肥成功，同時收穫了內心一絲的平靜。

原來好多事情，冇我想象中咁美好，但也冇我想象中咁差。

呢種體驗先係最令我難忘的。

05. 你永遠都有選擇權

呢次經歷教識我一件事：

你永遠有選擇踏出一步嘅機會。

哪怕自己過著狗屎般嘅人生，有時只需要一點勇氣，不用去做什麼驚天動地的事。

而係去做自己想做嘅事，一次一直想嘗試嘅餐廳，一次一直想去嘅旅行，一次一直想去學嘅知識。

冇任何個框架，冇任何嘅要求，甚至冇任何嘅目的。

純粹只係你想去體驗，當下嘅體驗永遠係最美好嘅。